Na punta do pé

Posted by on 16 Mai 2012 | Tagged as: Letras Galegas

Onte  celebramos a festa das Letras a ritmo da música de PESDELÁN. Dende os máis cativos aos maiores, incluído o profesorado, bailamos, cantamos e pasamos unha xornada moi agradable.

Os nenos e as nenas escriben:

O día 15 de maio bailamos uns bailes no patio. Os bailes chamábanse: A pulga de palla, O xogo da carrasquiña, O gharutiño, Caminho de Viseu, O baiao. Foi ás 12:50. O que máis nos gustou foi O gharutiño. Pasámolo moi ben.

Anxo e Xaime

O día 15 de maio na penúltima sesión bailamos catro cancións cos de 1º e Infantil. Paseino moi ben. O meu favorito foi O gharutiño, tamén me encantou O xogo da carrasquiña.

Joel

O día 15 no colexio de A Rúa organizaron uns bailes. Bailou todo o colexio, e tamén os profes. Nos divertimos moito.

Héctor

Onte a profe Laura organizou uns bailes no cole, bailamos todos. Un dos bailes foi Caminho de Viseu. Pasámolo moi ben.

Lúa e Mar

No Commentss »

O circo dos olvidados

Posted by on 10 Mai 2012 | Tagged as: Letras Galegas

Hoxe tivemos a sorte de asistir á primeira representación da obra de teatro «O circo dos olvidados». Correu a cargo do grupo ATRAPATEATRO. Todo o alumnado e o profesorado do cole seguimos con afán e sen perder detalle o desenvolvemento da obra. Quedamos abraiados da extraordinaria interpretación dos actores e actrices, da posta en escena, da música… 
Cando rematou todos aplaudimos a rabiar, ninguén quería marchar.
Só o alumnado de 4º tivo a oportunidade de ensaiar uns cantos números de circo no patio do colexio tendo como monitores aos actores e actrices, ¡¡que sorte!!
Queremos felicitar a todas as persoas que fixeron posible esta magnífica representación. 

Noraboa e moitas grazas.

No Commentss »

¡Puag, que noxo!

Posted by on 29 Abr 2012 | Tagged as: Contacontos

 

O día 27, a mamá de Xaime, Patri, veu ao cole e contounos este entrañable e divertido conto de Fina Casalderrey.
Conta a historia dun neno que se queda só na casa coa súa irmá, un bebé de sete meses. A nena fai caca e enlarafúzase toda, el ten que resolver a situación.
Grazas Patri por dedicarnos parte do teu tempo.

No Commentss »

Dúas xornadas de risa!!

Posted by on 21 Abr 2012 | Tagged as: Letras Galegas

 

OS DIAS 19 E 20 FORON UNS DÍAS MOI ESPECIAIS PORQUE  FIXEMOS O MARATON  ¡CAAAANNNTOO    RIMOSSSSS!, UNS  DÍAS INESQUECIBLES.

UN CHISTE

¿QUE LLE DI UN PATO A OUTRO?

 ¡ESTAMOS EMPATADOS!

Lúa, Hugo e Xaime

 

No Commentss »

II CANTO RIMOS!

Posted by on 18 Abr 2012 | Tagged as: Letras Galegas

Este é o segundo ano que celebramos o maratón de chistes CANTO RIMOS! Como podedes ler no cartel que elaboraron os nenos/as de Infantil 5 A, o xoves será o alumnado de Infantil e 1º Ciclo os que nos facerán pasar un rato moi divertido. O  venres será o alumnado de 2º e 3º Ciclo os que se partirán de risa.

PARTICIPADE!, podemos dicir que será unha boa terapia anticrisis.

No Commentss »

Para os mellores papás

Posted by on 19 Mar 2012 | Tagged as: Poesía

Hoxe os nenos e as nenas de varios cursos saíron felices e contentos cos seus agasallos para PAPÁ, fermosos poemas que eles fixeron con moito cariño. Nas imaxes podedes ver unha pequena mostra.

 

 

 

 

 

No Commentss »

Un rato na casa

Posted by on 02 Mar 2012 | Tagged as: Contacontos


Hoxe Mari, a mamá de Héctor, leunos este conto de Helena Villar Janeiro. Trata do ratiño que, no canto de ir recoller os dentes que lles caen aos cativos, decide quedar na casa de Marco porque alí cómese moi ben.

No Commentss »

Recursos para o Entroido

Posted by on 03 Feb 2012 | Tagged as: Conmemoracións, Recursos de aula

Na páxina web da CGENDL temos á nosa disposición un monográfico especial sobre o Entroido con materiais para traballar nas aulas, nos centros escolares e nas casas.

 

Nel, poderedes atopar recursos didácticos, manualidades, publicacións, etc., así como diferentes novas de actualidade relacionadas con esta celebración: concursos, experiencias, etc. Trátase dun especial en desenvolvemento que se irá actualizando con novas achegas nos próximos días.
http://www.coordinadoraendl.org/2012entroido/ant4.php

No Commentss »

O coelliño branco

Posted by on 02 Feb 2012 | Tagged as: Contacontos

Amina contou a aventura deste coelliño que sae buscar coles á horta para facer un caldiño e cando volve atopa a cabra cabraza que non lle quere abrir a porta. Vai na busca de axuda e …
Ao final unha formiga, pequena pero moi valente, está disposta a axudalo para que poida volver á súa casa.

No Commentss »

Carta aos Reis Magos

Posted by on 19 Dec 2011 | Tagged as: Textos

No Commentss »

Next »

Olark Livehelp